Puur Plat! dat zin Raf Gielen (22) en Jeaneau Thoma (23).
Veer zin es duo begonne noadat veer in 2014 allebei jeugprins woare: Jeaneau bie de Schinöster en Raf bie de Pötters. Noa dae biezunjere vasteloavend besjloate veer om ozze sjtumme biejein te voege.
Jeaneau is eine echte laevensgeneeter! Hae is opgegreujd in ein restaurant houdt van lekker eate en drinke en maakt 't ger luuj noa de zin es de perfecte gastheer in een restaurant. Raf is cabaratier en houdt zich bezig met theater, toneel, podcasts; vanalles.
Sinds 2015 höbbe ver jeker joar een nummer gemaakt veur de Vasteloavend, ger vingt ze op ozze joetoeb pagina. De teller steit noe op 10 nummers en ver goan op noa de 11! In 2026 bestoan ver 11 joar en dat goan ver natuurlijk nog meer vieren es normaal met de Vasteloavend!
Op 25 Januari 2020 in Steyl wurde veer derde op ’t TVK en doa zin ver trots op. en in 2024 zin ver 2de gewoare op 't PLK. Veur 't komende seizoen 2025-2026 zulle ver veur de derde keer een leedje insturen veur 't LVK.
Ver komme ger optreje op euche zitting of evenement, stuur os een mailtje en alles kump zeker good!
puurplat@gmail.com
Alaaf, alaaf, alaaf!